(၁)
လူမှန်းသူမှန်းမသိတက်သေးခင် ဟိုရောက် သည်ရောက် ဟိုကွေ့ သည်ကွေ့နဲ့တင် နေ့တွေ ညတွေကုန်ဆုံးလို့ သာသွားခဲ့ရပေါ့။အမေ ရယ် အသက်ကြီးလာတွေ အမေ့နို့ရည်တွေက ဘာလို့အရောင်မပြောင်းသေးတာလဲ။ တောရွာကို မှချစ်တက်တဲ့အမေ့ကို ရွာထက်ဘာလို့ချစ်နေရတာလဲ။တကယ်ဆိုရင် အဲဒီညက အမေကျုပ်ကိုဘာ လို့ခိုးပြီးနမ်းခဲ့တာလဲ။တကယ်ဆိုရင် .....အဲဒီညက ကျုပ်အိမ်ချင်ဟန်ဆောင်ခဲ့တာ အမေမှမသိတာ။မဟုတ်ပါဘူး အမေ သိသိကြီးနဲ့နမ်းခဲ့တာပါ။ခုထိ ကျုပ်သိမ်းထားတယ်။အဲဒီလိုပဲ သိမ်းထားချင်စရာကောင်းလောက်အောင် လှပလွန်းတဲ့ ညတွေကို ကျုပ်သတိရရနေမိတယ်။အလင်းရောင်လျှပ်စစ်မရှိတဲ့ ရွာလေးမှာ ကျုပ်တို့တွေ အမေတို့တွေအတွက် စာဖတ်တက်အောင်ဆိုပြီးမီးအိမ်လေးတစ်ခု ထွန်းငြှိပေးခဲ့ကြတယ်လေ။အဲဒီ မီအိမ်လေးက ကျုပ်တို့ ကျုပ်တို့တွေ မရှိတော့ရင်လဲ သူ့ရဲ့ပင်ကိုယ်စွမ်းအားနဲ့ ထာဝရလင်းလက်နေမယ်ဆိုတာယုံကြည်တယ်။(၂)
မှောင်မှောင် မဲမဲထဲမှာ သဲကြီး မဲကြီးစာဖတ်နေကြတဲ့ ကျောင်းသူ ကျောင်းသားတွေကို အလင်းရောင်ပေးချင်လိုက်တာ။ရေဆာနေကြတဲ့ အမယ်အိုတွေကို ရေကြည်ရေအေးတစ်ခွပ်လောက် သောက်သုံးစေချင်လိုက်တာ။အော်....ကျုပ်တို့ညီအကိုတစ်တွေကို ပညာတက်ဖြစ်စေချင်လို့တဲ့ ပညာရေးမှာအောက်တန်းမကျစေချင်တဲ့ အမေ့ရဲ့ဆန္ဒ ခုတော့ ကျုပ်ကောင်းကောင်းနားလည်ပြီဗျာ။ ကြောက်စရာကောင်းတဲ့ ချစ်စိတ် နဲ့ ချစ်စရာကောင်းတဲ့ ကြောက်စိတ်ကို ကျုပ်ကောင်းကောင်းမြင်နိုင်ဖို့ အဲဒီအလင်းရောင်လိုတယ်ဗျာ။မီးအိမ်ရှင်လေးရေ နည်းပညာတွေ မထွန်းကားသေးပေမယ့် ချစ်စရာကောင်းတဲ့ လူတွေရဲ့စိတ်ဓါတ်နဲ့ ဓလေ့ရိုးရာကိုမင်းကောင်းကောင်းမြင်နေလောက်ပါပြီ။တာဝန်မဲ့စိတ်နဲ့ ငါ ပစ်ထားခဲ့တာမဟုတ်ပါဘူး။တကယ်ဆိုရင် အဲဒီအလင်းရောင်လေးနဲ့တင်ကို ငါတို့ကမ္ဘာမြေထဲက ရွာလေးတစ်ရွာလောက်တော့ တည်ထောင်လို့ရပြီလေ။သာယာတဲ့ လေပြေညှင်းလေးတွေ မလာရင် မင်းငိုနေမလားပဲ ငါတစ်ယောက်ထဲစိုးရိမ်နေမိသေးတယ်။ဘာမှ မရှိပေမယ့် အဲဒီလူတွေနဲ့ မင်းအဆင်ပြေအောင်နေတက်တယ်ဆိုတာငါကောင်းကောင်းသဘောပေါက်တယ်။နေ့ရော ညပါ အလင်းရောင်တွေ မင်းပေးနေမယ်ဆိုတာ ငါမြင်ယောင်နေမိတယ်။(၃)
ဘဝက ဘဝပီသဖို့ပဲလိုအပ်တာပါ။မီးအိမ်ရှင်လေးရဲ့ အရိပ်မှာခိုပြီး လေချွန်လို့မရ ဒူးနှံ့လို့မရနဲ့။လမ်းသွား လမ်းလာတွေ ရေဝင်သောက်မယ်။ခဏလေး အရိပ်ဝင်ခိုမယ်။နောက်ပြီး နဲနဲ အပြစ်ပြောမယ်။ဒါတောင်မှ သင့်ရဲ့အရိပ်က ပိုမိုပြီးကြီးထွားလာပါလား။သင့်ရဲ့အလင်းရောင်က ပိုမိုတောက်ပ လာပါလား။ပန်းမန်ဥယျာဉ်မရှိပေမယ့် ကျုပ်တို့မီးအိမ်ရှင်လေးနားရောက်သွားရင် အလိုလိုအေးမြတယ်လို့ ကျုပ်ဘကြီးတွေ ပြောဖူးတယ်။ရေဖြည့်စရာမလိုပဲ အမြဲပြည့်နေတဲ့ ပင်လယ်ကြီးကို ကျုပ်သက်သေပြု ဆိုရဲတယ်။ခင်ဗျားလိုပဲ လို့ ကျုပ်တို့ရဲ့မီးအိမ်ရှင်လေးက ထာဝရတည်ငြိမ်နေပြီး သဘာဝတရားနဲ့ လိုက်လျောညီထွေ ရှိတယ်ဆိုတာကိုပါ။မီးအိမ်ရှင်လေး ရယ် လူတွေရှိတဲ့အရပ်ဒေသမှာ မင်းထာဝရလင်းလက်တောက်ပနိုင်ပါစေ။လူတွေနဲ့အတူ မင်းထာဝရ ရယ်မောနိုင်ပါစေ။ကျုပ်တို့ရွာက မီးအိမ်ရှင် စာကြည့်တိုက်လေးနဲ့ တူသော မီးအိမ်ရှင်များသို့ အမြဲဂုဏ်ပြု အမှတ်ရ အောင့်မေ့နေပါသည်။ပညာရောင်လင်း အမြဲထွန်းလင်းတောက်ပနေပါစေ။နေရု (ရေခါး)
0 comments:
Post a Comment