ဟုတ်ကဲ့။လူရယ်လို့ဖြစ်လာခဲ့ပြီးပြီပဲ။ပြောင်းလဲခြင်းကို ကျုပ်တို့လက်သင့်ခံရမှာပေါ့။အသက် (၂၀)လောက်က နောင်တော် အသင်္ခယာသျှင်ထွေး မိန့်ကြားဘူးတယ်။အသက် ၁၀ နှစ်လောက်က တွေးခဲ့ ရေးခဲ့တဲ့ အရာများ အသက် (၂၀) လောက်ရောက်ရင် ဘာမှမဟုတ်သလို ရီစရာကောင်းတယ်တဲ့။အသက် (၂၀) လောက်က ရေးခဲ့ တွေးခဲ့တဲ့ သဘောတရား အသက် (၃၀)လောက်ပြန်ရင်လဲ မဟုတ်တက်ပြန်သလို ဘယ်လိုမှန်းမသိဘူးတဲ့ ။နေ့စဉ်စာရေးခဲ့ဘူးတဲ့အကျင့် နေ့စဉ်မှတ်တမ်းရေးခဲ့တဲ့အကျင့်ကို ပိုပြီး တန်ဖိုးထားတက်လာတယ်။ဘယ်နေ ရာရောက်ရောက် အများအားဖြင့်တော့ ရေးခဲ့တာပါပဲ။ဟုတ်တယ်။နောင်တော်ကြီးပြောတာ မှန်တယ်။ကျုပ်ငယ် ငယ်ကရေးခဲ့တဲ့ စာတို စာစ တစ်ချို့ ပြန်လည်ဖတ်ကြည့်တော့ ကိုယ်နဲ့ ဘာမှမဆိုင်သလိုပဲ နောက်ပြီး ရီချင်စရာ သဘောသက်ရောက်လာတယ်။လူတွေ ဟာ အတိတ်က ဆင်းရဲခံခဲ့ရတာတွေကို အသက်အရွယ်ကြီးလာတော့ ရီစရာအဖြစ်နဲ့ ပြန်လည်ပြောပြတက်ပါတယ်။ကျုပ်တို့ အရွယ်ရောက်လို့ စစ်ကိုင်းတောင်ပေါ်မှာ ည ည ဘုရား စောင့်ကြတော့အမေရဲ့ အကိုတော်စပ်သူ ဦးကြီးဘညွန့် က ပြောပြဘူးတယ်။သူတို့ ဂျပန်အုပ်ချုပ်စဉ်က တွေ ကြုံခဲ့တဲ့ အတွေ့အကြုံများပေါ့။ပြောလဲ ပြောတယ်။နောက်ပြောပြီးရင် ပြောသေးတယ် အောင်မလေး အဲဒီတုန်းကများ ရီစရာကြီး ဆိုတဲ့ စကားအမြဲပါတယ်။ကျုပ်က သူပြောတာ နားထောင်ရင် စဉ်းစားမိတာပါ။ အော် သူတို့တကယ်ဆင်းရဲဒုက္ခ ရောက်နေတဲ့အချိန် ဘယ်ကလာရီနိုင်မလဲ။ကိုယ့်အသက်ကို မသေအောင် မနဲလုပြေးလွှားနေရတာ။တကယ်လဲ လွန်မြောက်လာရော ဆင်းရဲဒုက္ခ ရောက်တဲ့ အချိန်တုန်းက အဖြစ်ပျက်တွေက ရီစရာဖြစ်ကုန်ရော။ကျုပ်တို့လို ဘုမသိ ဘမသိ ကလေးတွေအတွက် ရီးစရာပုံပြင်တစ်ပုဒ်လို့ သူစိတ်ထဲမယ် ထင်လို့လားမသိပါ။ဦးကြီးရဲ့ စိတ်သဘောကိုတော့ ဦးကြီးပဲ သိပါလိမ့်။မိမိကိုယ့်မိမိလဲ ပြန်လည်တွေးကြည့်မိပါတယ်။ငယ်ငယ် အခက်ခဲကြုံလာခဲ့တဲ့ အကြောင်းအရာများစွာပြန်လည်စဉ်းစားကြည့် ပြန်တော့ ဟုတ်တယ်။ဦးကြီးပြောသလိုပါပဲ။အခု အဆင်ပြေနေလို့လား ဆိုတော့ မပြေလည်ပါ။ဒါကြောင့် နောင်တော်ကြီးပြောခဲ့ဘူးတဲ့ စာရေးခြင်း မိမိအတွေးများကို မှတ်တမ်းတင်ခြင်းဆိုသောအလုပ်ကို တန်ဖိုးထား ခဲ့မိပါတယ်။ယနေ့ထိပါပဲ။ဆရာမြသန်းတင့် ရဲ့ လွမ်းမောခဲ့ရသော တက္ကသိုလ်နွေညများ ဘာသာပြန်စာအုပ် ဖတ်ခဲ့စဉ်က လဲ အဲဒီအတွေးမျိုးဝင်ခဲ့ပါတယ်။အရာရာ ပြောင်းလဲနေတဲ့ ခေတ်ကြီးမှာ ကျုပ်တို့အတွေးတွေ အယူအဆတွေ ငယ်ငယ်တုန်းက တွေးခဲ့တဲ့ အတိုင်းပဲ ဆိုရင်တော့ သိပ်မဟုတ်သေးတာ သေချာတယ်။အချိန်နှင့် တပြေးညီ ပြောင်းလဲ ပြီး တိုးတက်နေရမယ်။အသက်သာ ကြီးသွားတယ် ကိုယ်ပိုင်အတွေးအခေါ်အယူအဆတွေက ဒီအတိုင်းပဲဆိုရင် တော့ အသက်ကြီးလာခြင်းဟာ ဘာမှမဟုတ်နိုင်။ ကျုပ်တို့တွေ ရဲ့ကိုယ်ပိုင်ဘဝ အတွေ့မကြုံများကို ကျုပ်တို့သိတဲ့အသိနဲ့မျှတ အောင်အသုံးချနိုင်မယ်ဆိုရင် အသက်ကြီးလာလေလေ အဓိပါယ် ရှိလာလေလေဖြစ်မယ်ဆိုတာ ပြောရင် အချိန်နှင့်အမျှပြောင်းလဲခြင်းကို ကျုပ် ဖွင့်အန်လိုက်ပါတယ်။အဆုံးထိဖတ်ပေးတဲ့ အတွက်ကျေးဇူးပါ ။ နေရု (ရေခါး)
0 comments:
Post a Comment