ရာသီအလိုက် ပို့လာသော ပို့နေကြသော လူမှုရေးဆုတောင်းများ၊ ဘာသာရေး ဆုတောင်းများ၊ အချစ်ရေးရာ ဆုတောင်းများ၊ သူငယ်ချင်း ဆုတောင်းများ မိသားစု ဆုတောင်းများ ဟုတ်ကဲ့ ဆုတောင်းသံအမျိုးမျိုးတွေ့ရ ကြုံရပါတယ်။အယူအဆတွေကတော့ မတူတက်ကြပါဘူး။တစ်ချို့က ဒီလိုမျိုးဆုတောင်းလေးတွေကို မျှော်လင့် ကြတယ်။တစ်ချို့ကြပြန်တော့ ဒီလို မဟုတ်ပြန် ကိုယ်လုပ်သင့်တာကိုပဲ နှစ်သစ်သည် ဖြစ်စေ နှစ်ဟောင်းသည်ဖြစ်စေ တစ်စိုက်မက်မက် လုပ်သွားကြပါတယ်။အယူသီးလွန်းတဲ့ ကျုပ်တို့လူမျိုးကြပြန်တော့ ကိုယ်နဲ့ ဆိုင်ဆိုင် မဆိုင်ဆိုင် အားနာတက်တဲ့ မွေးရာပါ ဗီဇက ရှိနေလေတော့ သူများတွေရဲ့ နှစ်သစ်ဆိုလဲ သစ်လိုက်ကြတာပါပဲ။ကိုယ်ပိုင်မူ ကိုယ်ပိုင်ဟန်နဲ့ နှစ်သစ်ဆိုရင်လည်း သစ်လိုက်ကြတာပါပဲ။ဘာပဲ ဖြစ်နေဖြစ်နေပါ ကိုယ့်ရဲ့ နေ့တိုင်းလုပ်နေကြ ကံသုံးပါလုံး ကောင်းနေမယ် ဘယ်သူ့ကိုမှ မထိခိုက်စေနိုင်ဘူးဆိုရင် နေ့သစ်တွေ ဖြစ်နေပြီး အချိန်သစ်တွေမှာ ကိုယ်ဟာ မင်္ဂလာရှိတဲ့လူသားတစ်ယောက်ဖြစ်လာမှာသေချာပါတယ်။
ဒီလိုမှ မဟုတ်ဘူးဆိုရင် ကျုပ်တို့တွေ ဘယ်လောက်ပဲ သစ်သစ် အဟောင်းတွေကိုပဲ မျှော်တလင့်လင့် ဖြစ်နေကြမှာပါ။လောက ရဲ့ သဘောကိုက အားလုံးကို တန်းတူ ရည်တူ အခွင့်အရေးပေးပြီးသားပါ။ယူတာ မယူတာက ကိုယ့်အပေါ်မှာမူတည်ပါတယ်။အရာရာလုပ်သမျှ ကံကိုချည်းပဲ ပုံချနေလို့ မရပါဘူး။နှစ်သစ်သည် ဖြစ်စေ နှစ်ဟောင်းသည်ဖြစ်စေ ကျုပ်တို့တွေ လုပ်စရာရှိတာကို မလျှော့သောဇွဲနဲ့ ပြီးဆုံးသည်အထိ လုပ်ဆောင်သွားဖို့ လိုအပ်ပါတယ်။အသေးအဖွဲ ကိစ္စလေးတွေအတွက် သိပ်ပြီးထည့်စဉ်းစားနေရင် သိပ်ပြီး မဟုတ်တော့ဘူး။ဒါက တစ်ဖတ်က ပါ။နောက်ပြီး အမျိုးသားခေါင်းဆောင်ကြီး ဗိုလ်ချုပ်အောင်ဆန်းရဲ့ မိန့်ခွန်း များထဲမှာ ကြားဖူးပါတယ်။ခြင်္သေ့မင်းတို့မည်သည်မှာ သားကောင်းငယ်တာ ကြီးတာကို ပဓာန မထားဘဲ စွမ်းအား အညီအမျှသုံးပြီး ပြုလေ့ရှိတယ်လို့ ဆိုပါတယ်။ဒါလေးက မပြောပ လောက်ပါဘူးကွာဆိုပြီး လုပ်တက်တဲ့ အကျင့် ကျုပ်တို့မှာရှိပါတယ်။ဒါဟာ မဖြစ်သင့်ပါဘူး။ဆန့်ကျင်ဘက်အတွေးများကို ကျုပ်တို့ မေ့ထားလို့မရပါဘူး။ဒါငါနဲ့ မဆိုင်ပါဘူးကွာဆိုပြီး လုပ်နေရင် ငါဟာလည်း ဘယ်သူနဲ့မှ ဆိုင်မှာ မဟုတ်တော့ပါဘူး။သေတော့မှ သေပေါ့ မသေခင်မှာ ကိုယ်လုပ်နိုင်တာကို အကောင်းဆုံးဖြစ်အောင် လုပ်မယ် ဆိုတဲ့ စိတ်ကူးလေးတွေထားပြီး.......ဟုတ်ကဲ့ နှစ်သစ်မှာ အယူအဆသစ် ၊ ပုံစံ အသစ် ၊ မိတ်သစ်များနဲ့ ပျော်ရွှင်သော အနာဂတ်များဖန်တီးနိုင်ကြပါစေ
0 comments:
Post a Comment