အခြေအနေအရ တဲ့ ညီမ
ဘယ်လို လုပ်ကြမလဲ..........။
လူတွေ ရဲ့ တန်ဖိုး နည်းပညာရဲ့ တန်ဖိုး
နောက်ဆုံး ကိုယ့်ရဲ့တန်ဖိုး
ဘာတွေလဲ ဘယ်လိုတွေလဲ ဘာအတွက်လဲ။
အချစ်ဆိုတာကို ညီမ တကယ်ရောနားလည်ရဲ့လား
ကိုယ်တိုင်ရော နားလည်ရဲ့လား
ကိုယ်တိုင်မေးခွန်းထုပ်
အရှုပ်များနဲ့သာ အလုပ်များနဲ့သာ
ညတွေကို နှုတ်ဆက်ခဲ့ရ။
ဘယ်လို ပကာသနမှ မပါတဲ့အရာတွေကို မှ
ချစ်တက်ခဲ့လေတော့
နားလည်မှုဆိုတာ ကိုယ်တို့ကြားမှာ ပါးပါးလေး။
နုညံ့တဲ့ အရာတွေရယ်ပါတဲ့
ဘယ်လိုပြောကြမလဲ
ဘာတွေ လုပ်ကြမလဲ
ဘယ်အတွက်လဲ မေးခွန်းများသာ
အလျားလိုက်ထွက်လာ
တစ်ဆစ်စာလောက် အခွင့်အရေးအတွက်
ဘယ်မှာလဲ ကျုပ်တို့ရဲ့ အနံ
ဘယ်မှာလဲ ကျုပ်တို့ရဲ့ ရှင်သန်မှု။
လူပီသဖို့အတွက် လူတွေကို ဗဟိုရ်ပြု
အနတ္တကြီးစိုးရေးအတွက် အတ္တကို ဗဟိုရ်ပြု
ငြိမ်းချမ်းရေးအတွက် စစ်ရေးကို ဗဟိုရ်ပြု
အားလုံးလွဲနေရင် ကျုပ်လဲ လွဲကြည့်ချင်တယ်။
ခဏလောက်ဖြစ်ဖြစ် အကြာကြီးဖြစ်ဖြစ်
ညီမလေးရဲ့ အနားမှာ တိတ်တိတ်လေး နေကြည့်မယ်။
ဘဝဆိုတာ အလှကြည့်နေဖို့မှ မဟုတ်တာ။
တစ်ခုတည်းရှိတဲ့ အကောင်းဆုံးဆိုတာ
ခင်ဗျားကိုယ်တိုင်မကောင်းသေးရင်
မမျှော်လင့်ပါနဲ့ ။
တန်ရာ တန်ရာတော့ ရမှာပေါ့ မဟုတ်ဘူးလား ညီမရယ်.....။
ကိုယ်စိတ်တိုင်းကျ မရေွးချယ်သေးခင်
ကိုယ့်ဖာသာကို သဟဇာတဖြစ်အောင် လုပ်ကြတာပေါ့။
မီးလျှံ နဲ့ ပဲ နှိုင်းယှဉ် နှိုင်းယှဉ်
ရေအယဉ် နဲ့ ပဲ ယှဉ်ယှဉ်
ဘဝမှန်ရင် အမြဲ စီးမျောနေဖို့ လိုအပ်ပါတယ်။
ပုံမှန် စီးမျောမှုက သွေဖယ်သွားတဲ့ အရာတိုင်း
ပုံမှန်မဟုတ်တာ သေချာရင်
သေချာပြီ ညီမ.....။
ကိုယ်တို့လည်း တစ်ခုခုကို ဗဟိုရ်ပြု
ခရီးဆက်ကြစို့ ရဲ့.....။
0 comments:
Post a Comment