ခုတစ်လော ခဏ ခဏ ရောက်လာတဲ့ သီချင်း

ရေတစ်ဗွက်မျှ ဘဝ တဲ့
သီချင်းနာမည်လေးက တော်တော်လေး လှတယ်ဗျာ။ဘာဖြစ်လို့လဲ မသိဘူးမေးထဲကိုမေးလ်ထဲကိုရောက်လာ
တဲ့ စာတမ်းရှည်တစ်ခုကိုဖတ်လိုက်ရတယ်။ခေါင်းစဉ်လေးက သူများမျက်ရည် ကိုယ့်မျက်ဝန်းမှာ ကျဖူးလား တဲ့။အော် ကျုပ်စဉ်းစားကြည့်မိတယ်။ဟုတ်တာပေါ့ ကျုပ်တို့ ယူနေတဲ့ ဗုဒ္ဓဘာသာမှာ ကိုယ်ချင်းစာတရား ဆိုတာရှိတယ်။ဗြဟ္မစိုရ်တရားရှု့ထောင့်ဆိုတာရှိပါတယ်။စာဖတ်ရင်းနဲ့ စိတ်ထဲမှာအတော်လေး ထိတယ်။ ဒါနဲ့ပဲ အဲဒီမေးလ်ကိုမိတ်ဆွေတွေ တစ်ဆင့်ဖြန့်လိုက်တယ်။နောက်ပြီး ဝက်ဆိုဒ်ပါ ပါလာတယ်။S T A တဲ့။
Save The Aged သက်ကြီးရွယ်အိုစောင့်ရှောက်ရေးနှင့် ကူညီရေးအသင်း တဲ့။ning.com ဝက်ဆိုဒ်တစ်ခု
ရယ်ပါ။ဝင်ခဲ့ဖူးသမျှ ဝက်ဆိုဒ်တွေမှာတော့ ဒီဆိုဒ်က အတော်လေးထူးခြားနေပါတယ်။ဘာဖြစ်လို့ လဲ ဆိုတော့ လူတိုင်းမထားနိုင်တဲ့ စိတ်ထားမျိုးပါ။သူများမျက်ရည် ကိုယ့်မျက်ဝန်းမှာ ကျဖူးလားဆိုပဲ။အတိတ် ဘဝသံသရာတွေမှာတော့ ကျဖူးတာသေချာတယ်။ဒါက ကျုပ်ရဲ့ကိုယ်ပိုင်အယူအဆပါ။ဒီအတွက်လည်း ဘာမှငြင်းခုန်နေစရာမလိုအပ်ဘူး။အချိန်လည်း မပေးနိုင်ဘူး။ဒီဘဝက တော့ ကိုယ့်မျက်ဝန်းမှာကျဖူးသူတွေ ရှိသလို မကျဖူးသူတွေလဲ ဒု နဲ့ ဒေး ရှိနေမှာပါ။အရှင်အနုရုဒ္ဓါ မထေရ်တို့လိုမျုိုး သူဌေးသားများကျပြန်တော့
မရှိဘူးဆိုတာ မကြားဖူးလို့ မရှိဘူးဆိုတဲ့ စကားကို မုန့်ထင်ပြီး အဲဒီမရှိမုန့် ယူခဲ့ပါဆိုပဲ။ဒါပေသိ ပါရမီရှင်တို့
စိတ်ဆိုတာ အာရုံလှည့်စားမှုများကို ညာဏ်မျက်စိနှင့် ကောင်းကောင်းမြင်ကြတယ်။ကျုပ်တို့နဲ့ ကတော့ မိုး နဲ့ မြေ ဆိုတဲ့ အတိုင်းတာက နီးနေပါလိမ့်မယ်။
ကိုယ့်ရဲ့နေ့စဉ်ဘဝ ဘယ်လို ယှဉ်သန်နေကြတယ်။ဘာတွေ စိတ်ကူးနေကြတယ်။ဘာတွေ လုပ်နေကြတယ် ဆိုတာ မစဉ်းစားဖြစ်တာ ကြာပါပြီ။တွေ့တိုင်းခဏ မြင်တိုင်းခဏ အရာရာ မတည်မြဲဘူးဆိုတာ ကိုယ်တိုင်တွေ့နေပါရက်နဲ့ စိတ်ဆိုတာလဲခက်တော့ ခပ်သားလား။ဆင်းရဲ ရင်လည်း အနှစ်တစ်ရာ မမြဲ ၊
ချမ်းသာရင်လည်း အနှစ်တစ်ရာ မမြဲတဲ့။အဆိုတော် ပိုးအိစံ ကလည်း တကယ်ကို တရားဓမ္မ ရလောက်စေ၏။
ပိုင်နိုင်စွာ ပီပြင်သည်ထက်ပီပြင်အောင်ဆိုသွားနိုင်တယ်။ကိုယ့်မှာ နေခဲ့ရသမျှ တစ်ခါ တစ်ခါတော့ ဒီလိုမျိုး တွေးမိပါရဲ့။လူ့ဘဝရောက်တုန်းအခိုက် တွေ့သမျှ မြင်သမျှ ကြားရသမျှ အားလုံးကိုယ်တိုင်ကြေနပ်အောင် ဘယ်လိုလုပ်မလဲ။ကိုယ့်ဖာသာကို အကြိမ်ကြိမ်မေး။ဒီလိုနဲ့ အသက်တွေ ကြီးလာလိုက်တာ။ကြည့်စမ်း .......
မှန်မကြည့်ဖြစ်တာ ကြာပြီ။အော်သံတွေ ခေါ်သံတွေနဲ့ ဆူညံနေတဲ့ဒီနေ့ တိုးတက်တယ်ဆိုတဲ့ကမ္ဘာ သူများ
ကြည့်မနေနဲ့ ကိုယ့်ကိုကိုယ်ကြည့်ကြစို့။ဟုတ်ရဲ့လား။ငါက အရမ်းနောက်ကျနေတာလား။ဒါမှ မဟုတ် ငါ့လောက် မရောက်သေးတဲ့သူတွေ မရှိတော့ဘူးလား။ကောင်းတဲ့ အလုပ်တွေကြောင့် ဒီလောက်ခံသာနေ
တာ ဒီလိုမှမဟုတ်ရင် ဒီထက်ဆိုးသွားနိုင်တယ်ဆိုပဲ သူငယ်ချင်းက မနက်စောစောပဲပြောသွားတယ်။ကောင်း တဲ့ အလုပ်မှာ ပျော်နေဖို့ ရရာဘဝ ကျရာနေရာမှာ ကြေနပ်နေဖို့ဒီလိုမျိုးမစဉ်းစားဖြစ်တာကြာပြီ။စာတွေ အကြွေးတင်နေတယ်။လုပ်မယ်ဆိုပြီး စိတ်ကူးသမျှအကုန်လွဲချော် လုပ်ချင်ခဲ့သမျှအကုန်မှားယွင်း အနဲဆုံး ကိုယ့်ကိုကိုယ်အားနာတက်ခဲ့တာ သူများကိုအားနာတာထက်ဆိုးတယ်လို့ဆိုလိုက်ချင်ရဲ့။
သူ့အတွက်လား သူပျော်ရွှင်နေပါစေ။သူ အမြဲပဲ ရယ်ရွှင်နိုင်ပါစေ။မနက်ဖန်အတွက်အိပ်မက်တွေ လှပနေစေ။
သူ့ရဲ့အပျော်ရွှင်ဆုံးနေ့ရက်တွေမှာ တစ်စိတ်တစ်ပိုင်းပါဝင်ဆင်နွဲခွင့်ရရင် အဲဒီနေ့က နှစ်ယောက်လုံးရဲ့
စိတ်ကူးတွေ တောင်ပံတက်ပေးစရာမလိုပဲလွင့်နေပါလိမ့်။တိမ်ယံတွေပေါ်မှာသစ်ပင်တွေအထက်မှာ ကောင်း ကင်ပြာပြာရဲ့အောက်မှာ ကြယ်တာရာများငိုကြွေးသည်ထိ လမင်းရဲ့အနားမှာကျုပ်တို့နှစ်ယောက် တမေ့ တမော နာကြင်နေသူတွေကို နှစ်သိမ့်ပေးရင်း ကိုယ့်ရင်ဘက်ကိုအလုံခြုံဆုံးကာကွယ်နေကြလိမ့်မယ်။
ဘယ်နေ့ဆိုတာ ရောက်လာမည့် တစ်နေ့ပေါ့။
အားလုံး ပျော်ရွှင်ချမ်းမြေ့ပါစေ။
နေရု (ရေခါး)

မပြီးနိုင်တဲ့ နေ့တွေ ညတွေ

ဟုတ်ကဲ့။
ဟုတ်ကဲ့ဆိုလို့ ကိုယ့်ကိုကိုယ် သိပ်ပြီး ဟုတ်လှပြီမထင်နဲ့။လူတိုင်းပြောနိုင်တယ်။အသက်ရှင်နေသေးရင် ပြောတာပါ။သေသွားတဲ့ သူက တော့ ဘယ်လိုလုပ်ပြီး ပြောနိုင်မှာတဲ့လဲ။ခုတစ်လော ကျုပ်စိတ်ထဲမှာ မခံချင်စိတ်တွေ များနေတယ်ဗျာ။စိတ်ဆိုးတယ် စိတ်တိုတယ် ဆိုတာ ကျုပ်ကြားဖူးတာပါ။ကိုယ်တိုင်က အဆိပ်ခွပ်ကို သောက်ပြီး သူများကိုသေပါစေလို့ ဆုတောင်းနေသူနဲ့ တူတယ်တဲ့။ကြိုက်တယ်.... အဲဒီဥပမာကို ပြောတာပါ။အင်တာနက်ဆိုတာ ပေါ်လာမှ အဲဒီပြဿနာတွေက ဖြစ်ပေါ်လာရသလားဗျာ။လွန်ခဲ့တဲ့ အနှစ်၆၀ ကျော်လောက်က ဘာလို့ မပေါ်တာလဲ။ကိုယ့်ကို ကိုယ် သူရဲကောင်းလုပ်ချင်တာလား။ဝေးပါသေး။ခင်ဗျား သိပ်ပြီး စိတ်ကူးတွေ မယဉ်ချင်နဲ့။ဘာသာရေးဆိုတာ ဘာလဲ တဲ့။မေးလိုက်ကြတဲ့ မေးခွန်းတွေ။ကိုယ့်ကိုကိုယ်တောင်မှ ဘယ်လို မေးရမှန်းမသိဘူး။ခင်ဗျားအတွက် ဘယ်လောက်အရေးကြီးသလဲ ဆိုတာ အရင်စဉ်းစားပါ။ဒါက ကျုပ်လဲ ခုချိန်မှာမို့လို့ ဒီလိုမေးတာပါ။နောက်နှစ်ဆိုရင် ကျုပ်ဒီလိုမေးမှာမဟုတ်ဘူး။ဘာဖြစ်လို့လဲဆိုတော့ ဘာမှမဖြစ်သေးလို့ပဲ။
ကိုယ်တိုင်က ဘာမှမဖြစ်သေးသမျှတော့ ဒီလိုပဲ ဖြစ်နေအုံးမယ်။ကိုယ်တိုင်က တစ်ခုခု ဖြစ်ခဲ့ရင်ကော ဘာထူးမှာလဲ ဒီမြေပေါ်မှာကြီး ဒီဆန်ကို စား ဒီရေသောက် ဒီသွေးအသားနဲ့ အသက်ဆက်ရှင်သန် ဟုတ်သလား မဟုတ်သလား ကိုယ့်ကိုကိုယ်ပြန်မေးကြည့်။အဖြေဆိုတာ မဝေးဘူး။ကိုယ့်ကိုကိုယ်သိပ်ပြီး ငဲ့နေရင်တော့ ဘယ်လိုလုပ်ပြီး အဖြေဆိုတာရှိမှာလဲ။လူတွေပေါ့ဗျာ ကိုယ့်ကိုကိုယ်လျှော့တွက်နေကြတယ်။ကိုယ်က သူများထက်စာရင် အများကြီးသာတယ်ပေါ့။ဒါဟာလဲ ဗိုလ်ချုပ်အောင်ဆန်းရဲ့ စကားကို ငှါးပြောရရင် တော့ ကျွန်ဖြစ်ခဲ့ရတဲ့အတွက် ဒီလိုမျိုးစိတ်တွေဖြစ်နေတာ။
ဘာလုပ်လုပ် ဘာဖြစ်ဖြစ် ငါ့ကြောင့်မဟုတ်ဘူး သူ့ကြောင့်ဆိုတဲ့ စိတ်တွေ။ဘယ်တော့မှ အသုံးဝင်မှာ မဟုတ်တဲ့စိတ်တွေ။ဘာလို့လဲ ဆိုတော့ ကိုယ်ဟာ သိပ်ပြီးလူရာဝင်ချင်နေတာကိုးဗျ။သူများတွေ နာမည်ကြီး သလို ကိုယ်ကလည်း သိပ်ပြီးကြီးချင်နေတယ် နာမည်။ကိုယ့်ရဲ့ နာမည် ဘယ်ထဲမှာပါပါ ငါ့နာမည်ပါရင် ပြီးရောဆိုတဲ့ မြန်မာတွေ ရှိနေသမျှ ခင်ဗျား ကြီုက်သလောက်ကြိုးစား။ခင်ဗျားကြိုက်သလောက်လုပ်။ခင်ဗျားကို်ယ်တိုင် အဲဒီထဲမှာ ပါနေလိမ့်မယ်။ဒဲ့ကြီး ဘယ်တော့မှ မပြောနဲ့တဲ့။ကျုပ်အမေက ပြောဖူးတယ်။ဘယ်သူက ဘယ်လိုဆိုတာ ကျုပ်ပြောရင် ကျုပ်လဲ အဲဒီတိုင်းဖြစ်နေမယ်။ကျုပ်အဲလို မပြောချင်ဘူး။ဘာပဲဖြစ်ဖြစ်ကိုယ့်ကိုကိုယ် ဗဟိုရ်ပြုပြီး စဉ်းစားတက်လာတယ်။ကိုယ့်ကိုကိုယ်ဗဟိုရ်ပြုပြီးစဉ်းစားတက်လာတယ်။ကိုယ့်ပတ်ဝန်းကျင်က သိပ်ပြီး မဟုတ်လေတော့ ဒီတိုင်းပဲ ဖြစ်မှာပါ။သူရဲကောင်းတွေက များလွန်းနေတော့ ဘယ်သူက သူရဲကောင်းပါဆိုတာ ဘယ်လိုမှ ပြောလို့မထွက်ဘူး။ကိုယ့်ကိုကိုယ်လဲ သူရဲကောင်းလား သူမရဲကောင်းလား ဆိုတာမစဉ်းစားဖြစ်ဘူး။ဟုတ်ကဲ့ မပြီးနိုင်တဲ့ နေ့တွေ ညတွေမှာ ခင်ဗျားလဲ နဲနဲတော့ ဗျာများနေလိမ့်မယ်။ ခင်ဗျားရဲ့ ခင်ဗျားကို ခင်ဗျားကြော်ငြာကိစ္စအတွက်ပါ။မှန်နဲ့ ကြည့်ပြီး ရန်ဖြစ်နေမယ့် အစား ကိုယ့်ကိုကိုယ် မဟုတ်ဘူးထင်ရင် ရေချိုးလိုက်။မျက်နှာသစ်လိုက်ပါ။ဒါမှ မဟုတ် လမ်းလျှောက်ပစ်လိုက်။ငါဘာလဲဆိုတာတော့ စဉ်းစားဖြစ်ပါစေပေါ့ဗျာ။
အားလုံးကိုချစ်တဲ့ နေရု

ဘဝဆိုသော အရာ

လူ့ဘဝ အမျိုးမျိုးသောဘဝ။မွေးလာကတည်းက မတူတာ ဘာလို့ ကျုပ်က လိုက်ပြီးတန်းညှိနေတာလဲ။လူချင်း တူတာသော်မှ အသက်ရှူပုံချင်းကွာတယ် တဲ့။အကိုကြီးပြောခဲ့ဘူးတယ်။ဒါပေမယ့် ကျုပ်စိတ်ထဲမှာ ယုံကြည် ထားတဲ့အရာတစ်ခုရှိတယ်။ရေရှည်မှာ ရိုးသားမှုဆိုတာကိုပါ။ကျုပ်မရိုးသားရင် ကျုပ်ခံရမှာပဲ။ခင်ဗျား မရိုးသား ရင်ခင်ဗျားခံ။ခုတစ်လော ကျုပ်စိတ်ထဲမှာ စိတ်ခုနေတာ ရှိတယ်။သူငယ်ချင်းဆိုတာရယ် ချစ်သူဆိုတာရယ် မိတ်ဆွေဆိုတာရယ်အများကြီးပါပဲ။ကျုပ်က ကျုပ်ရဲ့မွေးရပ်မြေကို မချစ်လို့ ဘယ်မြေကို ချစ်ရမှာလဲ။ကိုယ့်ကို ကိုယ်လူစွမ်းကောင်းလုပ်ချင်တဲ့သူတွေနဲ့ပဲ တွေ့နေရတယ်။အတော်စိတ်ပျက်စရာကောင်းတယ်။တကယ်ပါ အဟုတ်ပြောတာ ခင်ဗျားတို့လဲ တစ်နေ့မဟုတ် တစ်နေ့တော့ တွေ့ရအုံးမှာပါ။ဒီလိုမျိုး တစ်ခါမှ မကြုံဖူးဘူး။ တကယ်စိတ်ပျက်စရာကောင်းတယ်။သူငယ်ချင်းကို မေးခဲ့ဖူးတယ်။အားနာတယ် ဆိုတာ နေရာတိုင်းမှာ ကောင်းလာလို့။ဟာ ကိုယ့်လူ တဲ့ နေရာတိုင်းတော့မကောင်းဘူးတဲ့။သူက ဖြေတယ်။ကျုပ်က လွန်ကုန်ပြီ။ ဘာတက်နိုင်မှာလဲ ပြီးပြီးမှတော့ ကိုယ်လဲ ဘာမှ မတက်နိုင်ဘူး။ကျုပ်လဲ တစ်ခြားသူဆိုရင် ဘာရမလဲ။ဟုတ်ကဲ့ ကျုပ်စိတ်ထဲမှာ ရှိတာတွေ ပြောခဲ့တာပါ။ကျုပ်ကို ချစ်တဲ့သူတွေက ပြောတဲ့စကားတွေ နားမထောင်ခဲ့ဘူး။ဘာမှ မဟုတ်တဲ့ စိတ်ခံစားမှုနောက်ကို လိုက်ခဲ့မိတာ။ခုတော့ ဖြစ်နေပုံက ကျုပ်က ခုမှ သင်ခန်းစာ ရသတဲ့လေ။နောက်မျိုးဆက်သစ်တွေ ဘယ်လိုပြောရပါ့။စကားလုံးတောင် ရှာလို့မတွေ့ဘူး။

(၁)

ဘယ်အချိန်မဆို ကိုယ့်ကိုကိုယ်အောက်က နေ နေရတာကောင်းတယ်ဆိုတဲ့ ပုံစံကြီး ဟုတ်တဲ့ အခါ ဟုတ်ပေမယ့် မဟုတ်တဲ့အခါ မဟုတ်ဘူးဆိုတာ သိလာတယ်။ကိုယ်က ငဲ့သလို သူတို့က ငဲ့ချင်မှ ငဲ့ကြတာ။ဒါကို ဟိုအကောင်သိချင်မှ သိမှာ။မြန်မာတွေရဲ့ စိတ်ထဲမှာ မြန်မာ မြန်မာချင်းချမယ် ။မြန်မာကို မြန်မာက အနိုင်ယူမယ် ဒါကိုပဲ အဟုတ်ကြီးထင်နေကြမှာသေချာတယ်။သူရဲကောင်းပေါ့လေး သူတို့စိတ်ထဲမှာတော့ ထင်နေကြမှာအသေချာပဲတစ်ချို့ပါ ။ ကျုပ်ကတော့ မြန်မာချင်းချဖို့ လား ဝေးပါသေး။စိတ်ကူးထဲတောင် မယဉ်ဖူးဘူး။ ကိုယ်က ဘယ်နေရာကနေ ကူညီရမလဲ ဘယ်လိုနေရာမှာ နေရမလဲ။အချိန်မရွေးဘဲ။ဒါက ကျုပ်အတွက် အမှန်တရားပဲ။သေချင်လဲ သေပေါ့။လူမှန်ရင် တစ်နေ့ သေရမှာပဲ။မွေးလာမှတော့ မသေမည့်သူ ဘယ်သူရှိလဲ။လိုချင်တဲ့ လောဘတွေ မလိုချင်တဲ့လောဘတွေ ဘာတွေလဲ။ဟုတ်ကဲ့ ကျုပ်ရဲ့ စာတွေက မပြီးသေးဘူး။ကျုပ်ကို ကျုပ်ကြေနပ်သည်ထိ ဆက်ရေးနေမယ်။ပျံသန်းခြင်းအတက်ပညာ ဘယ်သူမှ သင်ခဲ့သည်မဟုတ်။ဟုတ်တယ် ကျုပ်တို့က ငှတ်တွေ မဟုတ်ဘူး ဒါပေမယ့် ငှတ်တွေလို ဖြစ်နေတယ်။တကယ်တမ်းငှတ်တွေလို မကျင့်နိုင်ဘူး။ငှတ်တွေမှာ သူတို့ရဲ့ တောင်ပံသာလျင် ဝန်ရှိတယ် တဲ့။ကျုပ်တို့ကရော တောင်ပံတွေထက်လေးလံတဲ့ဝန်တွေကို သယ်ဖို့ကြံဆောင်နေကြတယ်။ဒီဘဝထဲမှာရယ်မှာ ပါ။အတိတ်ဆိုတာ သံသရာဆိုတာ ထားပါအုံးဒီဘဝမှာတင်ကိုပဲ ခင်ဗျားတို့ ကျုပ်တို့ ဟုတ်လို့လား သူများကို မကြည့်ပါနဲ့ ကိုယ့်ကိုကိုယ်ပဲ ကြည့်ပြောမယ်။ဒီလိုမျိုး ပြောလိုက်တော့ အချင်းချင်း ထိုးနှပ်ကြရုံက လွဲပြီးဘာဖြစ်လာမှာလဲ။ဒါပဲ ရွှေမြန်မာတွေရဲ့ စိတ်ထဲမယ် ဒီလိုမျိုး ရှိမယ်။ခင်ဗျားတို့ ကျုပ်တို့ ပြောနေတဲ့ နောင်လာ နောက်သား မျိုးဆက်သစ် ဂျနရေးရှင်း ဆိုလား ဘာဆိုလား ကိုယ်တိုင်ကမှ မဟုတ်ရင် သူများကို ဟုတ်လိမ့်မယ်ဆိုတာ မတွေးနဲ့ အဝေးကြီး။ပေးဆပ်တဲ့သူတွေက ပေးဆပ်လို့ ယူတဲ့ သူတွေက ယူလိုက်ကြတာ မြင်မကောင်း ရှုမကောင်း ကြည့်တက်ရင် မြင်ပါလိမ့်မယ်။
(၂)
တစ်ခါ တစ်ရံ စဉ်းစားမိတယ်။ဘုရားလောင်း တေမိမင်းသားကိုအားကျမိတယ်။ဘာမှ မပြောရင် အကောင်းဆုံးဆိုတာ သေချာတယ်။အဲလို မပြောပြန်ရင်လဲ သိပ်ပြီး မဟုတ်ချင်ပြန်ဘူး ပတ်ဝန်းကျင်က ဒီပတ်ဝန်းကျင်ကြောင့်ပဲ အမျိုးမျိုး ဒုက္ခတွေ ကြုံရမယ်။မွေးလာတုန်းကတော့ တစ်ယောက်ထဲပါပဲ။သေရင်လဲ တစ်ယောက်တည်း သေရမှာဆိုတာ သိပါရက်နဲ့ ဘာလို့အဖေါ်ကို တောင့်တ မက်မောနေရတာလဲ။ကိုယ်ဟာ ပါရမှ မပြည့်သေးလို့ ဒါပဲ ရှိတယ်။ညီမလေး က ပြောတယ် လူမှုဒုက္ခတွေ ဘယ်လောက်များတယ် ဘယ်လိုရှုပ်တယ် သိပါတယ်။ကိုယ်တိုင်တောင်ဒုက္ခတွေ ဒါလောက်များနေမှတော့ လူမှုဆင်းရဲ မိသားစုဆင်းရဲ များဘယ်လောက်များမယ်ဆိုတာတွေးမိပါတယ်။
ဘဝဆိုသောအရာမှာ ဘယ်လိုအရာမှ သက်သက်သာသာမရှိဘူးဆိုတာ ကျုပ်ကောင်းကောင်းသိပါတယ်။ ဒီနေ့ရောက်မှ ကျုပ်ညီမ ဘာတွေ ရေးထားတယ်ဆိုတာ ဖတ်ကြည့်မိတယ်။ကိုယ့်ကို ချစ်တဲ့သူက ကိုယ်ဆင်းရဲမှာကို မလိုလားဘူး။မိသားစု ဆွေမျိုး အသိုင်းအဝိုင်း အားလုံးပေါ့။မလိုလားတဲ့သူတွေက ဆန့်ကျင်ဘက်ပေါ့ ဆင်းရဲလေ စိတ်မချမ်းသာလေ သူတို့ပျော်လေ။ဒါက လူ့ရဲ့သဘာဝပါ။တစ်ကမ္ဘာလုံးမှာ ရှိတဲ့ လူသားတိုင်းတော့ မဟုတ်ဘူး။မခံချင်စိတ်တွေများလွန်းတောက ဘယ်က စပြီး လုပ်ရမှန်းမသိဘူး။
ဒီနေ့ခေတ်မှာ လူဖြစ်တာကိုက ပုံစံမဟုတ်ခဲ့တာ ဒီတော့ အကောင်းဆုံးဖြစ်အောင်နေယုံမှ တစ်ပါး အခြားမရှိ။မနေနိုင်ရင် အပြင်ထွက်နေယုံပဲ ရှိတယ်။ဘယ်သူ့ကိုမှ အနှောက်ယှက်ပေးစရာမလိုဘူး။အရာရာ ငါပါမှ ဆိုတာ မရှိတော့ဘူး။ငါ့ကြောင့် အားလုံးရှုပ်နေတယ်ဆိုတာ ဘယ်သူမှ မတွေးဖြစ်ဘူး။ဘာလို့လဲ ဆိုတော့ သူတို့ ပြောပြောနေတဲ့ မာန အတ္တဆိုတဲ့ စိတ်တွေကြောင့်ပေါ့။ဘာဖြစ်ဖြစ် သူများကိုပဲ အပြစ်ပုံချတက်တဲ့ ကျုပ်တို့ရဲ့စိတ်တွေ လွှင့်ပစ်လိုက်။သိပ်ပြီးတော့ အသုံးမဝင်ဘူး။ဘာမှကို သုံးမရတာ။
ကိုယ်တိုင်အရာရာမှာ ကောင်းမယ်ဆိုတာ မရှိသေးသရွေ့ သူများတွေ စိတ်ကောင်းရှိမယ်ဆိုတာ မမျှော်လင့်နဲ့ ကျုပ်လဲ အဲလို တွေးခဲ့တာ ပဲ ။မဟုတ်ဘူးဗျ ။တကယ်ကို မဟုတ်တာ။ကျေးဇူးတင်ပါတယ်။ဒီထိအောင်ဖတ်ပေးတဲ့အတွက်။ဒါက ကျုပ်ရဲ့ ဒီနေ့အကြောင်းပါ။ နောက်လည်း ဒီနေ့အကြောင်းတွေ ရေးရအုံးမယ်။

မိုးရွာတဲ့ ဆောင်းရာသီ

ဝင်လာတဲ့ဆောင်းလေက နွေးထွေးလွန်းတယ်။အေးစက်စက် အပြုံးနဲ့ ပြုံးပြနေတဲ့သူမက သိမ်မွေ့ငြင်သာမှုတော့ရှိပါရဲ့။ကိုယ်တိုင်က ပူလောင်နေခဲ့လေတော့ ဆောင်းလေရဲ့ အအေးဓါတ်က တိုက်ရိုက်မထိမှန်ဘူး။အခါတိုင်းဆိုရင် နံရံကိုထွင်းဖောက်လာတဲ့ဆောင်းက ကြမ်းလွန်းတော့ နံရံတွေ ပြိုကွဲ ခြုံလွှမ်းထားတဲ့ စောင်တွေက အထပ်လိုက်ကွာကျ။ဆောင်းရဲ့ အရသာကို ဘယ်လိုခံစားရပါ့။ကောင်မလေးရေ မင်းနေကောင်းအောင်နေပါ။ဘာမှမဖြစ်ပေမယ့် ငါစိုးရိမ်တက်နေပြီ။ငါ့ကိုယ်ငါ ဘယ်လိုစိုးရိမ်ရမှန်းမသိဘူး။ ငါ့ရဲ့ တောင်တန်းမြို့လေးလည်း အရမ်းခိုက်ခိုက်တုန်နေမှာ သေချာတယ်။ငါ့ရဲ့ နားခိုရာ အိမ်လေးလည်း တုန်ခါနေမှာ အသေချာပေါ့။သတိရလိုက်တာ အဲဒီမလိုချင်ခဲ့တဲ့ ည တာရှည်ဆောင်းညလေး....။အဲဒီရင်ခွင်လေးမှာ ငါ့အတွက် လိုအပ်နေရင် ခုညမှာပဲ အပြေးသွားလိုက်ချင်တယ်။ငါပိုင်တဲ့ ဆောင်းရသီလေးမှာ မိုးရွာတာ လှလိုက်တာ။ညီမလေးကို ပြောပြရအုံးမယ် ဒီညလည်း ဘယ်လို အိပ်ပျော်ရပါ့။အိပ်တိုင်းမပျော်တဲ့ ည ပျော်တိုင်း မအိပ်တဲ့ ညတွေမှာ ဟောဒီဆောင်းညတွေက ကျုပ်ရဲ့ မဟေသီလေးပေါ့။နာတာရှည် ခံစားနေရတဲ့ ဝေဒနာအပိုင်းအစလေးများနဲ့ ခရီးထွက်ခဲ့မိတာ ကျုပ်ရဲ့ ဆောင်းမင်းသမီးလေးသိမှာပါ။
မိုး......................။မိုး.........ဆိုတဲ့ ကောင်မလေးရယ် ငါရဲ့ဆောင်းညလေးမှာ မင်းအလည်လာတာမဟုတ်ဘူး ငါအသေချာ သိနေတယ်။နှင်းမကျပေမယ့် မင်းက သိပ်လှနေတယ်။ငါတို့ရဲ့ဆောင်းည မှာမင်းလည်း ပျော်နေစေချင်တယ်။ဆောင်းပီသဖို့ထက် ငါရဲ့ဆောင်းညလေးမှာ မင်းရှိနေရင် ကြေနပ်တယ်။အမေရိကား ရောက်နေတဲ့ သူငယ်ချင်းက ပြောတယ်။ဒီမှာ အပူပေးစက်နဲ့ နေရတယ်တဲ့။အင်း.........ငါ့ရဲ့ဆောင်းညလေးအတွက် သူငယ်ချင်းကို ဘယ်လိုပြောရပါ့။ငါတစ်ယောက်တည်း ဘာသာမပြန်တက်တာသေချာတယ်။ဟိုနေ့က ကိုရီးယားက ကောင်မလေးက သူတို့ရဲ့ဆောင်းရာသီကိုပြောပြရင်းဓါတ်ပုံတွေ ပို့ပေးနေတယ်။ဟုတ်ကဲ့ ကျေးဇူးတင်ပါတယ်။ ကျုပ်ရဲ့ ဆောင်းညလေးက လှလွန်းနေတော့ သူတို့ဆောင်းညတွေကို အရောင်ခြယ်ကြည့်မိတယ်။ဖြူဖြူဖွေးနေတဲ့ အဲဒီကောင်မလေးနဲ့အတူ ကျုပ်ရဲ့ အိပ်မက်ထဲက ဆောင်းရာသီမှာ အပြေးကလေးထွက်ပြေးမိတယ်။ဘယ်သူမှ မပါဘဲ ပြေးနေသလားလို့ လှည့်ကြည့်မိပြန်တော့ ညီမလေးက နောက်က မောလို့တဲ့။ဒီဆောင်းမှာ မှ ရွာရက်လိုက်တာ မိုးရယ်။ မနိုးချင်သေးဘူး။ဒီဆောင်းညလေးကို သာသာလေး ကြည့်နေချင်မိတယ်။ပြီးရင် မိုးရွာတဲ့ ဆောင်းနဲ့ လက်ထက်တော့မယ်။မလင်းလိုက်ပါနဲ့မိုးရယ်။ငါဟာ မနက်မိုးမလင်းသေးပေမယ့် ငါဟာအိပ်မက်က မကြာခင်နိုးထတော့မှာပါ။
အိပ်မက်က ကြာရှည်လွန်းတယ်။ငါ့နံရံတွေ ပြိုကွဲနေပါစေ။ငါ့တံခါးတွေ ပွင့်ထွက်သွားပါစေ။ငါ့ တောင်ပံတွေ ငြောင်းနေပါစေ။ငါ့ရဲ့ မျက်လုံးတွေ နီရဲနေပါစေ။ငါ့ရဲ့ အိပ်ယာလေး တွန့်လိတ်နေပါစေ။အဲဒီကောင်မလေးစီကို အရောက်ပြန်မယ်။မိုးရွာတဲ့ ဆောင်းရာသီမှာ ငါဟာအိပ်မက်က နိုးထတော့မယ်။
ဓါတ်ပုံပို့ပေးတဲ့ ကိုရီးယားက ကောင်မလေး ကျေးဇူးတင်ပါတယ်။
အိပ်မက်ထဲက နေရု

ငှက်ကလေးများအားကယ်တင်သူ

ဆောင်းဦးရာသီရဲ့ သာယာလှတဲ့မနက်ခင်းလေးမှာ လူလေးယောက်ဟာ
မြင်းကိုယ်စီနဲ့တောလမ်းလေးတလျှောက်စီးလာခဲ့တယ်။ သူတို့အားလုံးဟာဆောင်းဦးရာသီရဲ့ သာယာလှတဲ့မနက်ခင်းလေးမှာ လူလေးယောက်ဟာ
မြင်းကိုယ်စီနဲ့တောလမ်းလေးတလျှောက်စီးလာခဲ့တယ်။ သူတို့အားလုံးဟာ
ရှေ့နေတွေဖြစ်ကြပြီးတော့ သူတို့ဦးတည်သွားနေတာကတော့ ဒီတောလမ်းလေး
ကျော်ရင်ရောက်တော့မယ့် မြို့ကလေးရဲ့ တရားရုံးတစ်ခုမှာအမှုကြားနာဘို့အတွက်ပေါ့။

မိုးရွာထားလို့ တောလမ်းလေးတလျှောက်မှာ ဗွက်တွေ ရွှံ့တွေနဲ့ စိုစိုစိစိနဲ့ပေါ့။
သစ်ရွက်လေးတွေမှာစီရရီတွဲလွဲခိုနေတဲ့ လက်ကျန်မိုးပေါက်လေးတွေကလည်း
သစ်ပင်ပေါ်ကနေ တစက်စက်နဲ့ကျနေတော့ မြက်ပင်လေးတွေကလည်း စိုစွတ်
နေတော့တာပေါ့။

ရှေ့နေလေးယောက်လုံးဟာ ရွှံ့တွေနဲ့ပေကျံစိုစွတ်နေတဲ့လမ်းကျဉ်းလေးတစ်လျှောက်
ရှေ့ဆင့်နောက်ဆင့်မြင်းကိုယ်စီ စီးနင်း လို့ပေါ့။ သူတို့အားလုံးဟာရယ်မောစရာတွေ
ရှာကြံပြောရင်း လမ်းတလျှောက်တဖြေးဖြေးစီးနင်းလိုက်ပါလာကြတယ်။

သစ်ပင်လေးတွေအစီအရီပေါက်နေတဲ့တောအုပ်လေးတစ်ခုကိုဖြတ်သန်းလာချိန်မှာတော့
သူတို့ရဲ့ဦးခေါင်းပေါ်က ငှက်တစ်ကောင်ရဲ့တောင်ပံတဖြတ်ဖြတ်ရိုက်ခတ်သံနဲ့အတူ
လမ်းတဖက် မြက်ပင်တွေကြားက တခြားငှက်ငယ်လေးတွေရဲ့ တိုးညှင်းစွာညည်းတွား
နေသံကို ကြားလိုက်ရတယ်။

ကျလိ...ကျလိ...ကျလိ..ဆိုတဲ့ စီစီညံနေတဲ့အသံစူးစူးလေးတစ်သံက သစ်ရွက်တွေ
အုံ့ဆိုင်းနေတဲ့အပင်ပေါ်ကနေပေါ်ထွက်လာတယ်။

တချိန်ထဲမှာပဲ...

ကျလိ...ကျလိ..ကျလိ...ဆိုတဲ့ သနားစဖွယ်အသံတိုးတိုးလေးတွေကလည်း စိုစွတ်နေတဲ့
မြက်ပင်တွေကြားကဟိုတစ်စ ဒီတစ်စ ပေါ်ထွက်လာတယ်။

"ဟေ့..သနားစရာလေးပါလားကွ " ....စပိဒ် လိုအမည်ရတဲ့ ရှေ့ဆုံးကရှေ့နေက
မြင်းပေါ်ကနေလှမ်းပြောလိုက်တယ်။ ဟာဒင်လို့အမည်ရတဲ့ ဒုတိယရှေ့နေက .
." သပိတ်လွယ်ငှက်တွေ နေမှာပေါ့ကွာ ..ကြည့်ရတာ မုန်တိုင်းစာမိပြီး အသိုက်ထဲကနေ
လွှင့်ကြလာပုံရတယ်..မွေးကာစ အတောင်မစုံသေးတဲ့အရွယ်တွေဆိုတော့
မပျံနိုင်ဖြစ်နေတော့တာပေါ့..ကြည့်ပါလား အမေငှက်မကြီးက စိတ်ပူပြီးပျာယာခတ်နေတာ.."
လို့ ပြောလိုက်တယ်။

အမည်မဖော်ပြနိုင်တော့တဲ့ တတိယရှေ့နေက..
." သနားစရာကွာ...ဒီအတိုင်းဆို မြက်ခင်းစိုစိုထဲမှာ အားလုံးသေကုန်ကြတော့မှာဘဲ "...လို့ပြောပြန်တယ်။

ဒီအခါ ရှေ့နေဟာဒင်က..
" ထားလိုက်ပါကွာ..ငှက်တွေဘဲဟာ.. အရေးမကြီးလှပါဘူး.. ဒုက္ခရှာမနေပါနဲ့တော့.." ..လို့ ပြောတယ်။
"အေးလေ..ဟုတ်သားဘဲ.."..လို့ ရှေ့နေ စပိဒ်ကလည်းထောက်ခံလိုက်တယ်။

သူတို့ သုံးယောက်သား ငှက်အမေကြီး ပူဆွေးစွာနဲ့ယောက်ယက်ခတ်အော်မြည်နေသံကိုရော
အတောင်တဖျတ်ဖျတ်ရိုက်ပြီး အော်မြည်နေတဲ့ မြက်တောစိုစိုထဲကငှက်ပေါက်စလေးတွေကိုပါ
ကျောခိုင်းပြီးခရီးဆက်လက်ထွက်ခဲ့ကြတယ်.။

သိပ်မကြာခင်မိနစ်ပိုင်းအတွင်းမှာဘဲ သူတို့၃ယောက်သားဟာ ခုနကလိုဘဲ
ရယ်မောပျော်ရွှင်စရာတွေကိုပြောလာကြတယ်။ အချိန်ပိုင်းအတွင်းမှာ
ငှက်ကလေးတွေကိုသူတို့လုံးဝမေ့လျှော့သွားကြပြီပေါ့။

ဒါပေမယ့် စတုထ္ထမြောက် ရှေ့နေ..သူကတော့ မြင်းကိုရုတ်ချည်းတုန့်ကနဲရပ်လိုက်တယ်။
မြင်းပေါ်ကချက်ခြင်းဆိုသလို ဆင်းလာပြီးနောက် သူ့ရဲ့ကြီးမားတဲ့လက်အစုံနဲ့မြက်ခင်းထဲက
ငှက်ငယ်လေးတွေကိုတယုတယယူငင်လိုက်တယ်။

ငှက်ကလေးတွေက ခုနကမြက်ခင်းထဲမှာလိုကြောက်လန့်ပုံမပြတော့ပါဘူး။
သူတို့လုံခြုံမှုရသွားပြီဆိုတာသိတဲ့ပုံနဲ့ ချစ်စဖွယ်ကျလိ..ကျလိနဲ့ တိုးတိုးလေးသာအော်မြည်နေတော့တယ်..။

"ငှက်ကလေးတို့ရေ..စိတ်မပူပါနဲ့တော့...မင်းတို့ရဲ့ အသိုက်လေးထဲကို..ငါအရောက်ပို့ပေးပါ့မယ်.."
..လို့ သူက ပြောလိုက်တယ်။

အဲ့ဒီနောက်..သူက ငှက်ကလေးတွေ..အသိုက်ရဲ့ဘယ်နေရာကများပြုတ်ကျလာနိုင်သလည်း
ဆိုတာရှာဖွေကြည့်မ်ိတယ်။ ငှက်ကလေးတွေရဲ့ အသိုက်က လက်လှမ်းမမှီနိုင်လောက်အောင်
မြင့်လွန်းနေတာမျိုးလည်းဖြစ်နိုင်တယ်လေ။ ဒါပေမယ့် သူက စိတ်မပျက်ပါဘူး.။
သူသစ်ပင်ကောင်းကောင်းတက်တတ်တာပေါ့။ သူကလေးဘ၀တုန်းက သစ်ပင်တော်တော်များများကိုတက်ခဲ့ သူလေ။
သူကငှက်ကလေးတွေတစ်ကောင်စီကိုစိတ်ရှည်လက်ရှည်နဲ့ သူတို့ရဲ့သစ်ပင်ပေါ်က အသိုက်အိမ်လေးထဲကို အသာအယာ
ထည့်ပေးလိုက်တယ်။ တစ်ကြိမ်မှာ အဆော့သန်တဲ့ ငှက်ကလေးနှစ်ကောင်ကြောင့် သူရော ငှက်ကလေးတွေပါ
သစ်ပင်ပေါ်က ထပ်ပြုတ်ကျရသေးတယ်..။ ငှက်ကလေးတွေပျော်နေတယ်လို့ သူထင်နေမိတယ်။
သူလည်း ငှက်ကလေးတွေနဲ့အတူပျော်ရွှင် နေမိတော့တယ်။ သူ ပြန်လူးလဲထပြီး ငှက်ကလေးကို အသိုက်ထဲထည့်ပေးပြန်တယ်။

အရှေ့ကထွက်သွားနှင့်တဲ့ ရှေ့နေ သုံးယောက် တစ်နေရာအရောက်မှာ သူတို့မြင်းတွေကိုအနားပေးရေသောက်စေတယ်။
သူတို့လည်းအနားယူရင်းပေါ့။ ဒီတော့မှ စတုထ္ထရှေ့နေဟာ သူတို့နဲ့အတူပါမလာတာတွေ့ရတယ်။
သူတို့သုံးယောက်လုံး အံ့သြသွားတယ်။ ဒီလူဘယ်မှာကျန်ခဲ့ပါလိမ့်ပေါ့။

အဲ့ဒီမှာ ရှေ့နေ စပိဒ် ကပြောတယ်.." ခင်ဗျားတို့ ငှက်တွေကိုမှတ်မိတယ်မဟုတ်လား ..
.သေခြာတာကတော့ ဒီလူတော့ အဲ့ဒီငှက်တွေကို ကူညီဘို့ကျန်ခဲ့ပုံဘဲ"...

မိနစ်အနည်းငယ်အကြာမှာတော့ စတုထ္ထရှေ့နေဟာသူတို့ဆီကိုမှီလာတယ်။
သူ့ရူးဖိနပ်အစုံမှာလည်းရွှံ့တွေပေလူးလို့ပေါ့။ ဆူးခြုံပင်က ဆူးတွေကလည်း သူ့ ကုတ်အိကျီ င်္မှာညိတွယ်လို့။
"ဟေး..ခင်ဗျားဘယ်မှာကျန်ခဲ့တာလည်း"..လို့ ရှေ့နေဟာဒင်က သူ့ကိုမေးလိုက်တယ်။

" ကျွန်တော်ငှက်ငယ်လေးတွေကိုသူတို့ရဲ့မိခင်စီအရောက်ပို့ပေးနေလို့ပါခင်ဗျာ.." လို့
စတုထ္ထရှေ့နေကပြုံးရွှင်စွာပြောတယ်။

"ကောင်းပါ့ဗျာ..ဒါကြောင့်ကျုပ်တို့အားလုံးအမြဲတွေးနေမိတယ်..ခင်ဗျားဟာ ဘာလို့စံပြပုဂ္ဂိုလ်တစ်ယောက်
ဖြစ်နေသလဲ ဆိုတာကို..ခုတော့သိပါပြီ..."..လို့ ရှေ့နေ စပိဒ်က..ခနဲ့တဲ့တဲ့ပြောတယ်။

အဲ့ဒီနောက် သူတို့ သုံးယောက်သား အူလှိုက်သဲလှိုက်ရယ်မောကြတယ်။ ဒီလူတော်တော်မိုက်မဲတာဘဲ..
ဘာမှမဟုတ်တဲ့ ဒီငှက်ကလေးတွေအတွက် သူလို လူသန်သန်မာမာကြီးက ခုလိုမျိုး ဒုက္ခ္ခခံခဲ့ရတယ်လို့။

အဲ့ဒီအခါမှာ စတုထ္ထရှေ့နေကခုလိုပြောလိုက်တယ်..

"အစ်ကိုတို့ ခင်ဗျား.. ဒီသနားစဖွယ်သပိတ်လွယ်ငှက်ငယ်လေးတွေကိုမကူညီဘဲထားခဲ့ရလို့ .
သူတို့သာဒီမြက်ပင်စိုစို တွေကြား ထဲမှာသေဆုံးသွားခဲ့ကြမယ်ဆိုရင်..
ကျွန်တော်တော့ဘယ်လိုမှအိပ်ပျော်နိုင်တော့မယ် မထင်ပါဘူးခင်ဗျာ"

အဲ့ဒီ သပိတ်လွယ်ငှက်ကလေးတွေကို ကြင်နာစွာနဲ့ကယ်တင်ခဲ့တဲ့ စတုထ္ထမြောက်ရှေ့နေက သိပ်မကြာခင်ကာလမှာဘဲ အမေရိကန်နိုင်ငံရဲ့အလွန်ကြော်ကြားတဲ့ရှေ့နေတစ်ဦးဖြစ်ယုံသာမကဘဲ အောင်မြင်တဲ့အမတ်တစ်ဦးလည်းဖြစ်လာခဲ့ပါတယ်။
အဲ့ဒီနောက် သူဟာ အမေရိကန်ပြည်ထောင်စုရဲ့ သမ္မတ အဖြစ်ရွေးချယ်ခံခဲ့ရတယ်။
အမေရိကန်ရဲ့ သမိုင်းမှာတော့ သူဟာ အောင်မြင်ထင်ရှားတဲ့ သမ္မတတစ်ဦးအဖြစ်ရပ်တည်ခွင့်ရခဲ့ပါတယ်။
သူကတော့ " သမ္မတ အေဗရာဟမ်လင်ကွန်း " ပါဘဲ။

မေးလ်ထဲမှာ ရောက်လာသော ကော်ပီကို နှစ်သစ်မှာ ဖတ်စေချင်လို့ ကော်ပီကူး တင်လိုက်ပါသည်။

ခင်ဗျားတို့တော့ ဘယ်လိုရယ်မသိ

ဟုတ်ကဲ့။ သိပ်ပြီးမျှော်လင့်နေသူအတွက် နှစ်သုည တစ်သုည ဆိုတဲ့ (၂၀၁၀) ရောက်လာပါပြီ။ကြားဖူးတဲ့ သီချင်းတစ်ပုဒ်ထဲက လို ဘာလုပ်ကြမှာလဲ ............။.......ကဲ ...............ဘာလုပ်ကြမှာလဲ။..........ပြော.......။ ဆိုတော့ ဘယ်သူက ဘာလုပ်မှာတဲ့လဲ။ဝေးပါသေးတယ် ဘာလုပ်မယ်ဆိုတဲ့ အခြေအနေအတွက် ဘယ်လို စဉ်းစားမှာလဲ။ဟုတ်ကဲ့ ကျုပ်ကြားဖူးတဲ့ နောင်တော်ရဲ့ စာအုပ်ထဲက စာတစ်ပိုဒ်ကို သတိရမိတယ်။

ဘာလဲဆိုတော့.......မြေပျော့လျှင် ခြေရာထင်လွယ်၏ ။စိတ်ထားမပြည့်ဝသူသည် အမှတ်သညာ
ကြီးတက်သည်။........တဲ့။ကျုပ်စိတ်ထဲမှာ အမှတ်သညာကြီးခဲ့ရင် ကျုပ်ဟာ စိတ်ထားမပြည့်ဝသူ လို့သာ မှတ်လိုက်တော့။
ဘယ်သူ့ကို ဘယ်လို အပြစ်ဖွဲ့ရမှန်းမသိဘူး။ဘာလို့လဲဆိုတော့ စိတ်ထဲမှာ နာအောင်ဘယ်သူမှ မလုပ်ခဲ့ပါဘူး။ ဘယ်သူမှ မလုပ်ခဲ့ပါဘူး။သာသာလေးပဲ ကျုပ်အနေနဲ့ ရှောင်ထွက်ခဲ့တာပါ။ယှဉ်ပြီးဘယ်တော့မှ မကိုက်ခဲ့ပါဘူး။ဘာလို့လဲ ဆိုတော့ သွားတော့ကျုပ်မှာ ပါတယ်။ ဒါပေမယ့် သွေးထွက်အောင် မကိုက်တက်လို့။ဘယ်သူု့ကိုမှ ဒဏ်ရာရအောင် မလုပ်ခဲ့တော့ ကျုပ်လဲ ဘယ်တော့မှ ဒဏ်ရာဆိုတာ မရခဲ့ဘူး။ဒါတောင်မှ လူတွေက သိပ်ပြီးအနိုင်ယူတက်တဲ့ အကျင့်အရ ငယ်ငယ်က ရှုံးခဲ့လေတော့ အရာရာမှာ နိုင်တယ်ဆိုတဲ့ စဉ်ခြင်နိုင်စွမ်းမရှိခဲ့လေတော့ သူ့တို့ကို သူတို့ နိုင်တယ်ဆိုတဲ့ အမာရွက်သေးသေးလေးရှိခဲ့ကြတော့ အရှုံ သူတို့ဘဝမှာ အမြဲရှုံးခဲ့တဲ့ အရှုံးကို ဒီလို သေးသေးလေး နဲ့ အစားထိုးခဲ့ကြတယ်။
သိပ်ပြီး စကားလုံးကြီးကြီးတွေကို ကျုပ်လည်း ငယ်ငယ်ကတော့ ပြောခဲ့ဘူးတယ်။ကျုပ်ကိုယ်တိုင် ဘာဖြစ်ခဲ့လဲဆိုရင် ခုချိန်ထိ သာမန်လူတစ်ယောက်ထက် မပိုခဲ့ပါဘူး။သူရဲကောင်းလို့ ခေါ်ရလောက်အောင် လည်း ကျုပ်မှာ ဘာမှ ထူးထူးခြားခြား မဖြစ်ခဲ့။ကိုယ့်မှာ အားငယ်တက်တဲ့ စိတ်ကမရှိခဲ့လေတော့ ဘယ်လိုပုံစံမျိုးနဲ့ သူများကိုအနိုင်ယူရမှန်းတောင်မသိဘူး။
အမေက ကျုပ်အမေက ခပ် အ အ နေခိုင်းထားခဲ့လို့ နေခဲ့တယ်ဆိုတာ သူတို့မသိကြဘူး။ဘယ်သူတွေ ကိုယ့်အပေါ်မှာ ဘယ်လိုမြင်မြင် ကိုယ်တိုင်စိတ်ရှင်းဖို့လိုတယ်.......တဲ့။ပစ္စုပ္ပန်တိုင်းမှာ စိတ်ကောင်းရှိဖို့လိုတယ် တဲ့။လုပ်မိတဲ့ အရာတစ်ခုဟာ တွေးမိရင် နောင်တရတက်တယ်ဆိုရင် အဲဒီအလုပ်ကို ဘယ်တော့မှ မလုပ်နဲ့တဲ့။ပြီးခဲ့တဲ့အရာတွေအတွက်စဉ်းစားဖို့လိုသေးလား။ခင်ဗျားတို့ ကျုပ်တို့ ဘာလို့ ဆင်းဆင်းရဲရဲ ခုချိန်ထိယှဉ်သန်နေကြတာလဲ။ဒါကို.........ခင်ဗျားစဉ်းစားမိရင် ကိုယ့်ကိုကိုယ်သတ်သေမိမှာသေချာတယ်။ဒါပေမယ့် ကျုပ်တို့မှာ ဆင်ခြင်တုံတရား ထိမ်းချုပ်နိုင်စွမ်းရှိရမယ်လေ။လုပ်ချင်တာတွေ အကုန်လုပ်ကြမယ်ဆိုရင် တိရစ္ဆာန်နဲ့တူကုန်မှာပေါ့။
ကျုပ်ကိုယ်ကျုပ် စဉ်းစားကြည့်တာပါ။ခင်ဗျားတို့ကော ဘယ်လိုရယ်မသိ....................။