အော် နွေတဲ့ လား......

သူ့အတွက်လည်း နွေ..
ကိုယ့်အတွက်လည်း နွေ...
အော် နွေရယ် မဖြေသာခဲ့ပါဘူး
ကြိုတင်တွေးထားခဲ့မိတဲ့အတိုင်း တကယ်ပါပဲ
တစ်ခါမှ မကြုံဘူးတဲ့ ဒီနှစ် ဒီနွေအကြောင်း
ဘယ်လို ဘယ်ပုံပျော်ကြောင်း
အမေ့ကို ဘယ်လိုပြန်ဖွင့်ရပါ့။

သော့တစ်ချောင်းတည်း နဲ့ တင်
ဝင်လာခဲ့တာ မဟုတ်တော့
ဘယ်ပုံဘယ်နည်းလေးနဲ့ အဆင်ပြေအောင် လုပ်ကြမလဲ
နေပူထဲလည်း လျှောက်ရဲပါတယ် တဲ့
ခရောင်းလမ်းကိုလည်း ဖျက်ရဲပါတယ် ဆိုတော့
ဒီအတိုင်းကို ဖြစ်နေကြတာ
လူဆိုတဲ့ အရာတွေအတွက် လူတွေက စတေးပေးကြရတယ်။
အားလုံး အေးရာ အေးကြောင်း ကောင်းရာ ကောင်းကြောင်းဆိုပေမယ့်
အခြေအနေ နဲ့ အချိန်အခါ တိုက်ဆိုင်လာရင် အကောင်းဆုံးဖြစ်လာမှာ ပါ
မိုးလေး ရွာယုံနဲ့တင် ကောင်းကင်ကြီးက ပြိုတော့မယောင်
မှောင်တော့ မလို ဝါးတော့မတက်
အဲဒီအတွက် လည်း ဘာမှ မဖြစ်သလို နေကြည့်ကြမယ်။

ဒီနေ့ ရင်မခုန်တက်ခဲ့ရင် သေမှာစိုးလို့
နဲ နဲလေး ရင်ခုန်ကြည့်မိတာ ပါ။
အညာမြေက တမာလေအတွက် ကျုပ်လည်း မပြောပြတက်ဘူး
ချိုသလား ခါးသလား
ပင်လယ်ရေ ငန်သလား စပ်သလား
မိုးပေါ်က နေရောင်ခြည် အေးသလား နွေးသလား
ဘာမှ မစဉ်းစားချင်တော့ပါဘူး။
လူတွေ အတွက် မဖြစ်စလောက်လေးဆိုပေမယ့်
ကိုယ့်အတွက် တော့ အတော်လေးအနေရခက်လာတယ်။
အင်း .............
သူလို ကိုယ်လို သဘောလောက်ပါပဲ
ဒီလိုနဲ့ ပြီးသွားခဲ့တာ တွေ မနဲတော့ပါဘူး။
အဲလို နဲ့ ပဲ ပြီးသွားပါစေ
ခြေရာလေး မချန်ခဲ့ပါရစေ နဲ့။
ကိုယ့် ခြေရာကို ပွန်းပဲ့မှာ စိုးလို့ ပါ။
တကယ်ကို စိုးရိမ်မိပါတယ်။

ငါပြန်လာမယ် ဧပရယ်

ဒီနှစ်ဧပရယ်အတွက်
ဘာလက်ဆောင်မှမလိုချင်ဘူး
ဒီနှစ်ဧပရယ်အတွက်
ဘယ်အင်တာနက် ဘယ်လိုအွန်လိုင်းမှ ရင်မခုန်ဘူး
ဒီနှစ်ဧပရယ်မှာ
ဘယ်သူ့ကိုမှ မမျှော်လင့်ဘူး
ဒီနှစ် ဧပရယ်မှာ ပိတောက်ပန်းအတုတွေကိုကျောခိုင်းမယ်။

တစ်ခမ်းရပ်ပြဇာတ်အတွက်
ကိုယ့်ဖာသာကို ကားလိပ်ချမယ်
လမ်းများပေါ်က လမ်းတစ်ခုကိုစိတ်ကြိုက်ရွေးမယ်
ဧပရယ်ကိုပြန်လာမယ်ဆိုတာ ပြောလိုက်မယ်
ဒီလောက်ပေကျံနေတဲ့ စိတ်ကို
ဧပရယ်ရေအေးအေးနဲ့ စင်အောင်ဆေးမယ်
အမေ့နားမှာ ညီမလေးနားမှာ အနီးကပ်ဆုံးနေမယ်
ငါပြန်လာပြီ ဧပရယ်။

မနှစ်ကလိုမျိုး တစ်ယောက်ကိုတစ်ယောက်
မကြည့်ရဲ ကြည့်ရဲ နဲ့ ကြည့်ဖို့မလိုတော့ဘူး
အတုတွေကို ဝတ်ဆင်ဖို့မလိုတော့ဘူး
အိပ်မက်တွေကို စားဖို့မလိုတော့ဘူး
အတွေးများနဲ့ အချိန်ကုန်ခံဖို့မရှိတော့ဘူး
တစ်ယောက်ကို တစ်ယောက် စိတ်ကောက်စရာမရှိတော့ဘူး
တစ်ယောက်ကိုတစ်ယောက် ထိုင်မျှော်နေစရာမလိုတော့ဘူး
လက်တွေ့မကျတဲ့ ခပ်ပျင်းပျင်းနေ့တွေ မရှိတော့ဘူး
ခါးသီးလွန်းတဲ့ နေ့များ ချဉ်စုပ်စုပ် ညများမလိုအပ်တော့ဘူး
သေချာတာကတော့
ငါ့စိတ်ထဲမှာ လရောင်နဲ့ မဝေးတော့သလို
နေရောင်ခြည်ရဲ့ နွေးထွေးမှုအစစ်ကို
ငါချစ်တဲ့သူတွေ နဲ့ မျှဝေခံစားတော့မယ်
နောက်ဆိုရင် သိပ်ပြီးမသေချာလို့ပါ
အားလုံးကို ခဏတော့နှုတ်ဆက်လိုက်ပါတယ်
ပျော်ရွှင်ချမ်းမြေ့စွာဖြင့် နေထိုင်နိုင်ကြပါစေ။

အရသာတစ်ခုရဲ့ အရသာ

(၁)
လျှာနဲ့လျက်ကြည့်မှတဲ့လား
အဲဒီအရသာက
လျှာတစ်ခုရဲ့အလွန်မှာဘာတဲ့လဲ
အဲဒီအရသာက
သွေးကြောထဲမှာ တစ်စိမ့်စိမ့်ဝင်သွားတာတဲ့လား
အမေ့ရဲ့ နို့ရည်ဖြူဖြူများ
ဝေးနေချိန်အတွင်း သားရဲ့သွေးတွေ အေးခဲနေပြီအမေ။
အရောင်အသွေးမျိုးစုံ အရသာအဖုံဖုံ
မြည်းကြည့်ရင်းနဲ့ ရင်းနှီးခဲ့တာပါ။
အရသာတစ်ခုရဲ့ အရသာထဲမှာ
ကြာကြာတော့ နေရအုံးမယ်။

(၂)
ပင်လယ်မှာ အရသာတစ်ခုပဲ ရှိတယ်
သေချာစေဖို့ ရေပဲချိုးခဲ့တယ်
ငါးတော့မမျှားခဲ့ဘူး။
စာရေးခြင်းက ကြာလာတော့စကားဖြစ်
စကားလုံးကိုမြစ်ဖျားခံပြီး ဝေဒနာမြစ်တို့ စီးဆင်း
အနုသယဖောင်လေးပေါ် ကူးလူးပြီးခရီးနှင်
သမုဒယကျွန်းပေါ်က ညတွေမှာ
ဒုက္ခသစ္စာကို သရုပ်ခွဲပြီး
ထပ်တူမှုမရှိတဲ့ ဘဝနှစ်ခုကိုဇွတ်အတင်းမိုးလင်းခိုင်းမိတယ်။
အိပ်မက်ထဲက ဝေဒနာလေးခမျာ
မိုးလင်းမိတိုင်း ရသမဲ့သွားတာ ကြာပေါ့။

(၃)
ညောင်ညိုပင်အိုကြီးမှာ အရင်နှစ်လိုပဲ
ဥသြငှတ်တွေ အော်မြည်နေကြပြန်ပြီ
သူတို့ကို သတိမထားမိခင်ကတည်းက
ကျုပ်ရင်ထဲမှာ နွေရာသီဆိုတာရောက်နှင့်နေပေါ့
စနစ်တကျ မဟုတ်သော်မှ အဆင်အလာကိုကျော်ပြီး
အဲဒီ သမုဒယသစ္စာကို လှပစွာကိုးကွယ်ခဲ့ကြတယ်။
အပြင်အာရုံများရဲ့ လှည့်စားမှုတွေ
လက်ပြချိန်ထိ စောင့်ကြမလား
ဒုက္ခရသ ရဲ့ အရသာကိုဖက်တွယ်ပြီး အိပ်ကြမလား
ဘာပဲဖြစ်ဖြစ် သတိရနေရတာ မျှော်လင့်နေရတာကိုက
ကြာလာတော့ အရသာဖြစ်လာတယ်။
(ဒုက္ခ ရဲ့ အရသာကို စဉ်းစားမိချိန်လေးမှာ တွေးလိုက်တာပါ။သူ သိပါစေ....။)

မျက်လုံးများထဲက စကား

(၁)
အတိတ်ကို အတိတ်နဲ့ ဂလဲ့စားချေရမယ်တဲ့
ဒါဆို ပစ္စုပ္ပန်ကို ပစ္စုပ္ပန်နဲ့ သင်ပုန်းချေမယ်ဗျာ
မရောက်သေးတဲ့ နက်ဖန်အကြောင်း မစဉ်းစားတော့ဘူး
ဘယ်လိုလဲ ။
အရမ်းတော်တဲ့ လူတွေလည်း တွေ့ဖူးပြီ
အရမ်းညံ့တဲ့ လူတွေ လည်း ကြုံဖူးပြီ
သစ်ရွက်ကြွေတိုင်း ရင်ခုန်နေရရင်
နှလုံးရောဂါရလိမ့်မယ်တဲ့
(ဆရာဝန်တစ်ယောက် ပြောဖူးတာပါ)။

(၂)
ည ညဆိုရင် ခွေးတွေအူကြတယ်
နာရီသံက ခဏလေးမှ မနားဘူး
လူတွေက လူတွေနဲ့ပြိုင်ဆိုင်ကြတယ်
လူတွေက လူတွေကို တိုက်ခိုက်ကြတယ်
လူတွေက လူအချင်းချင်း သတ်ကြတယ်
လူတွေက လူတွေအပေါ် မနာလိုဖြစ်ကြသတဲ့
ငရဲရောက်ရင်လည်း ဒီလိုပဲ လိမ်ကြအုံးမယ်ထင်တယ်
နတ်ပြည်ရောက်ရင် လည်း သိပ်တော့ ဟန်မယ်မထင်ဘူး
ဘာမှ မရှိခြင်းက နိဗ္ဗာန်ဆိုရင်
အင်း တော်တော်လေးတော့ စိတ်ကူးယဉ်ကြည့်ဖူးတယ်
ဒါပေမယ့် အဝေးကြီးပါ တကယ့်ကိုဝေးလွန်းပါတယ်
အနီးဆုံး ပစ္စုပ္ပန်နဲ့မှ အဆင်မပြေတဲ့ သူတစ်ယောက်က
နိဗ္ဗာန်အကြောင်းပြောတာဆိုရင်
ကျုပ်တော့ နဲနဲ လန့်လာတယ်ဗျာ။

(၃)
ခင်ဗျားမျက်လုံးထဲက စကားလုံးခင်ဗျားပြန်ပြီးဖတ်တက်ပါစေ
ခင်ဗျား စကားလုံးထဲကမျက်လုံး ခင်ဗျားကို ပြန်မြင်တက်ပါစေ
မျက်လုံး နဲ့ စကားလုံး အံဝင်ခွင်ကျ မဖြစ်သေးသရွေ့
နှလုံးသား နဲ့ ဘဝတစ်ထပ်တည်းမကျသေးသရွေ့
ဘုရားဆုပန်နေရင်လည်း
အဲဒီကမ္ဘာခင်ဗျားဖြစ်တဲ့ ကမ္ဘာက သုညကမ္ဘာပဲဖြစ်လိမ့်မယ်။
စကားလုံးတွေ ကြမ်းနေလိမ့်မယ်
သေချာပါတယ် ကျုပ်လည်း ကျုပ်ရဲ့ မျက်လုံးထဲက စကားလုံးများ
ခုထိ ဘာသာမပြန်တက်သေးဘူး
ဒါပေမယ့် နှလုံးသားနဲ့ မရင်းတဲ့ စကား
ဘယ်တုန်းကမှ မပြောခဲ့ဘူး
မျက်လုံးများထဲက စကားများအစဉ်မြဲ ချိုမြိန်နေပါရစေ။
(အပြင်ထွက်ပြီး တွေးကြည့်မိတာပါ တိုက်ဆိုင်ရင် နားလည်ပေးပေါ့ဗျာ)

တူးဖော်မိတဲ့မသိစိတ်

သမားရိုးကျ မွေးဖွားလာခဲ့တာပါ
သမားရိုးကျ ရှင်သန်လာခဲ့တာပါ
ထူးခြားမှုဆိုတာ ဘာမှမရှိ
အရူးထဲက အရူးတစ်ယောက်
ဘယ်သူ့ထက်မှ ပိုမထူးခဲ့
ဘယ်သူ့ထက်မှ ပိုမရူးခဲ့
အားဆေးမလိုတဲ့ညတွေမှာ
ဒီသောကတွေကိုပဲ အရည်ကျိုသောက်ခဲ့မိတယ်။

အဆာမကြေဖြစ်မယ်တဲ့ အမေကမှာဖူးတယ်
လူတစ်ယောက်အပေါ်မှာပဲ
ဦးတည်ချက်ထားကြတာ ရာသီစာတဲ့လား
အခမ်းကျဉ်းကျဉ်းလေးပေမယ့်
ငါ့စိတ်က ဟင်းလင်းပြင်ထဲမှာပါ
တော်ပါသေးရဲ့ တိုင်ပင်ဖော် တိုင်ပင်ဖတ်လေးရှိလို့
စိတ်ဖိအားတွေ များလာရင် လူရဲ့ စိတ်ထွက်ပေါက်က ဘာတဲ့လဲ
ကျင်းပနေကျ ညစာပွဲလေးတောင် ခမ်းခြောက်နေပြီပဲ
ဒီညလေးလဲ ငိုရအုံးမယ်ထင်တယ်။

ရယ်ရမလို ငိုရမလို အီလည်လည်ကြီး
ဒီအချိန်ဆို သူအိပ်နေပြီထင်တယ်
အိပ်ပျော်နေပါစေ နှစ်ခြိုက်ပျော်ရွှင်စွာ အိပ်ပျော်နေပါစေ။
ငါအိပ်ပျော်နေစဉ် နံက်ခင်မှာ
ငှတ်ကလေးတွေ တစာစာမြည်ပြီး
အစာရှာထွက်ကြတာ ငါမြင်အောင်ကြည့်မှဖြစ်မယ်။
ညနေက တွေ့လိုက်တယ်
အသံက ဘယ်လိုမှ ထွက်မလာဘူး
အရင်းနှီးဆုံး စိတ်ချင်းကပ် ဖွင့်ချလိုက်တယ်။
နဲ နဲ တော့ ပေါ့သွားသလိုခံစားမိတယ်
ဒါပေမယ့် မပြီးသေးပါဘူး။

အဝေးဆုံးကိုထွက်ပြေးချင်တယ်
ကိုယ့်ကိုကိုယ်ပြန်မမြင်ရတဲ့ နေရာ
မှောင်လွန်းနေမလား လင်းလွန်းနေမလား
သေချာတာ တစ်ခုကတော့
ငါမပိုင်တဲ့ အာရုံငါးပါးကို ငါ့ဟာဆိုတဲ့ စိတ်
မထားချင်တော့တာလေး လက်ဆောင်ပါးပေးပါ။
ဒီည လဲ နာရီသံကိုပဲ တေးသွားလုပ်ပြီး
အိပ်ရအုံးမယ်ထင်တယ်
မိုးရယ်................. မြန်မြန်လင်းပါတော့
ဒီမှာ အမှောင်ကျနေလို့ပါ။
( ဒီနေ့ လာပြီးအားပေးတဲ့ ညီမလေး ပျော်ရွှင် ငြိမ်းချမ်းပါစေ)

အချိန် နဲ့ နေရာ

တစ်နာရီစာလေး အတွက်လား
ငိုချပစ်လိုက်ပါ။
တစ်ဘဝစာလုံးအတွက်ဆိုရင်တော့
ရွာချပစ်လိုက်စမ်း။
အိပ်မရလို့ ထ ထကြည့်မိတယ်
သူတို့ရဲ့ကိုယ်ခန္ဓာပေါ်မှအမှိုက်များ
ငါ့စိတ်ပေါ် တဖွဲဖွဲ
နံရံတွေပေါ်မှာ အရုပ်ရေးကြည့်မိတယ်
မထင်ဘူး အချိန် နဲ့ နေရာ မှားခဲ့လို့ထင်ရဲ့။

ခဏတိုင်း အမှတ်ရမိလို့
ခဏ ခဏ ငြီးမိတဲ့ သီချင်းတွေကလည်း
အဲဒီခဏလေးမှာပဲ အရင်လို သိပ်မချိုတော့ဘူး။
ဒီနှစ် ပိတောက်ရာသီနောက်ကျမယ်တဲ့
ညီမလေး ပြောသွားတာ
ပိတောက်ရာသီအမှီ အိမ်ပြန်ရောက်ချင်တယ်။


သင်္ခါရနယ်ပယ်မှာ ပြင်မရတဲ့ အမှားရှိလား
အချိန် နဲ့ နေရာမှားနေသမျှ တန်းဖိုးမဲ့နေမှာပဲ
ဘယ်လောက်သောက်သောက် မဝဘူး
ရေကိုက ချိုနေလို့လား
ဒါမှမဟုတ်.....
ပစ္စုပ္ပန်ကိုယ်တိုင်က ခါးနေလို့လား
နက်ဖန်မှာလည်း အိပ်မက်ချိုချိုလေး မက်ချင်တယ်။
အချိန် မှန် နေရာမှန် ရောက်ဖို့အတွက်
အကိုယ့်ညီမလေး ရေ့.........

ငိုတက်တဲ့ မျက်နှာကို ခေါက်ပြီး သိမ်းထားလိုက်ကြစို့။

(ဒီနေ့ ပြောသွားတဲ့ ညီမလေး အတွက်ပါ)

နွေရာသီမှာ ရွာတဲ့ မိုး

ရောက်နေတာက နွေရာသီစစ်စစ်လေးမှာပါ
မြင်ချင်တာက သူ့ခေါင်းပေါ်မှ ပန်းပွင့်လေးများ
ကြားချင်တာက အသာယာဆုံးစကားသံများ
အပြောချင်ဆုံးက သူ့ကို ဘယ်လောက်ချစ်ကြောင်း
အလိုချင်ဆုံးက မပြောင်းလဲတဲ့ သူ့ရဲ့အချစ်စစ်
ကော်ပီ ပေ့စ် တွေခေတ်စားနေချိန်မှာ
ငါ့ကို ငါ သူ့စိတ်လေးပေါ်မှာ ကော်ပီ ပေ့စ် လုပ်မိနေပြီ လား
မြင်နေရတဲ့ စာပွဲပေါ်က စာအုပ်များ
ရောက်နေတဲ့ နွေရာသီ စစ်လေးမှာ ရွာချလိုက်တဲ့ မိုးကလေး ရယ်
မိုးရေ စစ်စစ်လေးကိုမှ သောက်သုံးချင်တဲ့ ငါ့စိတ်ကို
ဘယ်လို ပြန်ပြောရပါ့။

ငါ့နွေရာသီမှာ ငါ့ယာခင်းလေးအတွက်
ကိုယ်တိုင်ပဲ ထွန်ယက်ရတော့မယ် ထင်တယ်။
မနေ့ည က သူငယ်ချင်းဆိုလဲ ဟုတ် ညီလေးဆိုလဲ ဟုတ်တဲ့
အမေရိကားမှာ ရောက်နေတဲ့ ညီလေးရဲ့အနား
စိတ်ပါဝင်စားစွာ စီးမျောသွားလိုက်တာ ဘာမှကိုထွက်မလာဘူး
ပြောချင်တဲ့ စကားတွေက စွန့်အ လို့သွားတယ်။
တစ်ခါမှ တွေးမထားဘူးတဲ့ ကြမ္မာဆိုးများအတွက်
ငါလည်း မင်းလိုပဲ တစ်နေ့တော့ အားပါးတရ ငိုရအုံးမယ်။

ငါ့စိတ်မှာ .........
ငါ့အသိုက်အဝန်းလေးမှာ..........
ငါ့ရွာငယ်လေးမှာ............................
ငါ့တိုင်းပြည်လေးမှာ........................................
ငါတို့ ကမ္ဘာမြေပေါ်မှာ ............................................
မိုးရေစစ်စစ်များ ရွာဖို့
ငါတို့ရဲ့စိတ်ထွက်ပေါက်များကို
ခဏလောက် ပိတ်ထားလိုက်ကြမယ်ကွာ
သဘောထားချင်း ကွဲလွဲယုံတစ်ခုနဲ့တင်
ဘဝက ဖြစ်ချင်သလို ဖြစ်မယ်ဆိုရင် မင်းဆန္ဒအတိုင်းပါ။

သေချာတာ တစ်ခုတော့ ပြောနိုင်တယ်
နွေရာသီမှာ အေးခဲသွားအောင် ရွာလိုက်တဲ့ မိုးအတွက်
ကျေးဇူးတင်ပါတယ်ဆိုတာ ပြောလိုက်ပါရစေ။